Berriki, Aramaioko Alkateak
GOIENAri esandako hau irakurtzeko aukera izan dugu: “eztabaidatu ostean,
erabaki dugu ez garela Udal moduan mezetara joango” . Lierni Altunak esandako
hori dela eta, Aramaioko Udalean dagoen EAJ-PNV taldeak honako hau
adierazi nahi die herritarrei: EAJ-PNVk ez du Liernik aipatutako eztabaidan eta
erabakia hartzeko orduan parte hartu. Aipatutako erabakia Alkatetzak berak edo
EH Bildu taldeak bere kabuz hartutakoa da. Udalak agertu beharreko izaera
laikoaren gainean ados egonik ere, inork ez dio argibiderik eskatu EAJ-PNVri
San Martin egunean udal batza modura mezatara joateari buruzko egokitasunaz.
Udala etiketadun mezuak erakusten. Erakutsi mezu guztiak
Udala etiketadun mezuak erakusten. Erakutsi mezu guztiak
2015(e)ko uztailaren 1(a), asteazkena
2015(e)ko ekainaren 25(a), osteguna
Aramaioko Udalaren lehen osoko bilkura
Jakinekoa denez, Aramaioko udal batza berria ekainaren 13an osatu zen. Bederatzi zinegotzietatik 6 EH Bildurenak dira; 3, berriz, EAJ-PNVrenak. Udal batza osatu berriak ohiko osoko bilkura edo plenoa egin du berriki, ekainaren 23an hain zuzen. Esandako pleno horretan, Udalari han-hemengo elkarte, erakunde, patronatu eta enparauetan dagozkion ordezkariak izendatu ziren. Kasu bakarrean izan ezik, gainontzeko guztietan, bere gehiengoan oinarrituta, EH Bilduk berarentzat hartu zituen ordezkaritza guztiak. Hori da gero eskuzabaltasuna! EAJ-PNVk hartutako ordezkaritza bakarra, Gorbeialdea izeneko kuadrillan izango da. Kasu honetan, ordezkaritza hori legeak aginduta etorri da, ez EH Bilduren eskuzabaletik.
Honako hauek dira, EH Bilduren botoekin, batzorde buru izango diren EH Bilduko zinegotziak:
. Ogasuna, antolaketa eta funtzionamendua: Lierni Altuna.
. Kultura eta kirolak: María Cristina Etxenausia.
. Euskara eta hezkuntza: Lierni Altuna.
. Gizarte ongizatea: José Ramón Uribe.
. Ingurumena eta mendiak: Jon Ugarte.
. Hirigintza eta auzoak: Martín Arriolabengoa.
. Zerbitzuak: Roberto Lasaga.
Aramaioko Argindarra izeneko enpresaren kasuan ere, EH Bilduk hartu ditu Administrazio kontseiluko kargu guztiak. EAJ-PNVk, udal batzaren osaketa gogoan izanik, zinegotzi jeltzale batentzat tokia eskatu zuen kontseilu horretan. EH Bilduk zera esan zuen: alderdiaren baitan aztertuko dutela jeltzaleon eskabidea eta aste beteko epean erantzuna emango digutela.
2015(e)ko maiatzaren 21(a), osteguna
EAJ-PNVren alkate-hautagaiaren karta
Lagun hori,
Rafa Bengoa naiz, EAJ-PNVk Aramaioko alkatetzarako aurkezten duen hautagaia. Beste asko bezala, Aramaiok bizi duen egoeraz jabetuta, kezkatuta nago. Gure herrian somatzen dugun geldialdia konpontzeko neurriak jarri beharrean gaude, lehenbailehen hobekuntza-jarduerak abian jarrita.Hori dela eta, EAJ-PNVn egiazko konpromisoa hartu dugu: Aramaiok aurrera egin dezan lan arduratsua egingo dugu. Zelan? Gertutik lan eginaz, modu garden edo trasparentean, eraginkortasunez eta ardura osoz. Alkate-hautagaia naizen aldetik, ardura bat eta bakarra dut: udalaren kudeaketa edo gestinoa bizkortzea. Zertarako? Gauzak aldatzen hasteko eta premiazko hobekuntza-proiektuak kudeatzen hasteko.Utzikeria edo nagikeria albo batera utzi beharrean gaude Aramaion. Gogotsu gaude, berandu baino lehen lanean jartzeko. EAJ-PNVren hautagai-zerrenda edo kandidatura, Aramaio ondo ezagutzen dugun gizon eta emakumeek osatzen dugu. Zerrenda berritua da, esperientziaduna eta gai desberdinen ezagutza duena. Ilusioz beteta eta gogotsu gatoz. Aramaio loalditik ateratzeko ilusioz eta gogoz gatoz. Zintzo eta zuzen kudeatu nahi dugu Udala. Gardentasuna, gertutasuna eta ardura dira gure bide-lagunak. Eta horietan oinarrituko da gure eguneroko lana. Garapen ekonomikoari, euskarari, kulturari eta kirolari lotutako pertsonak gara. Baina, batez ere, pertsonei estu-estu lotutako pertsonak gara. Aramaiok bizi duen egoerari aurre egingo dion alternatiba gara. Aramaion ezer baino lehen aldatu behar da politika egiteko modua, herria egiteko modua. Horixe gura dugu eta horretara gatoz. Ziur naiz, guztiok elkar hartuta, gure herriak, Aramaiok, bere lekua izango duela Euskadiko udalerrien artean. Aramaio maite baduzu eta gurekin bat baldin bazatoz, ez izan zalantzarik. Eman botua EAJ-PNVren zerrendari. Aramaioren etorkizuna zure esku dago. Besarkada bat,
Rafael
M. Bengoa
EAJ-PNVren alkate-hautagaia
2015(e)ko maiatzaren 18(a), astelehena
Hautagaitzaren Ezaugarriak
EAJ-PNVren
hautagaitza osatzen dugun gizon-emakumeok ondo ezagutzen dugu Aramaiok bizi
duen errealitatea. Hautagaitza berritua gara, esperientzia duena eta gaiak
ezagutzen dituena. Ilusioz eta gogoz lan egingo dugu, Aramaiok egun bizi duen
geldialditik ateratzeko. Zintzotasunez, gardentasunez eta erantzukizunez
kudeatzen dakigu. Garapen ekonomikoarekin, hezkuntzarekin, euskararekin,
kulturarekin, kirolarekin eta batez ere pertsonekin konprometituta dauden
pertsonak gara. Irtenbidea gara, Aramaiok aldaketa bat behar du lehenbailehen
eta hori da gure konpromisoa. Ziur gaude guztion artean erreferentziazko
udalerri bilakatuko dugula Aramaio.
2015(e)ko maiatzaren 17(a), igandea
Gestioan esperientzia duen jendearekin osatu dugu EAJren zerrenda
Udalaren
gastuaren "murrizketa eta kontrola" izango da jeltzaleen programaren
oinarrietako bat. Rafael Bengoa izango da EAJren alkategaia Aramaion. Bengoak
badu esperientzia Udal jardunean; izan ere, zinegotzi izan zen 1983tik 1987ra
bitartean.Nola hartu duzu erronka? Alde batetik kosta egin zait baiezkoa
ematea. Espero ez nuen gauza bat izan da; baina, lagunen eta batez ere
familiaren bultzadarekin eta adostasunarekin konprometitu egin naiz.Osatu
dituzue EAJren zerrendak. Nolako perfileko jendea dago? Gestioan
esperientzia duen jendea dagoela esango nuke. Adinari dagokionez, jende
gazte-gaztea ez da baina 60 urtekoak ere gazteak izan daitezke.EAJren
programa zertan oinarrituko da? Gastuen murrizketa edo kontrola behar dugu.
Bestalde, euskara mailan gestio integral bat egin behar dugu. Kultura mailan,
polo interesantea daukagu hemen goian: eskola, kiroldegia eta kultura etxea.
Uste dut hemen kultura polo bat egin beharko litzatekeela. Bestalde, Udalaren
eta Aldundiaren laguntzarekin, auzoak azpiegitura eta zerbitzuetan dotatu behar
ditugu. Kaleko maila berean egon beharko lirateke; auzoei garrantzia eman nahi
diegu. Uraren gestio integrala ere egin beharko litzateke. Ur garbien zerbitzua
hobetu egin beharko litzateke eta, gainera, saneamenduko urei ere buelta bat
eman beharko litzaieke. Azkenik, Aldundiarekin lan sakona eta serioa egin behar
dugu Aramaion nagusien egoitzaren zerbitzu batzuk ezartzeko. Gaur egun ez dugu
egoitzarik eta horrek asko mugatzen gaitu.Udal jardunean zer hobetu daiteke?
Berebiziko garrantzia duten gauza batzuk daude: Mendiolako IBZ zentroa
indartu egin behar da eta han egin den inbertsioa justifikatu. Urbanizazio
plana ere martxan jarri beharko litzateke: hamar urteko atzerapena dauka-eta.
Bestalde, hirigintza aldetik seriotasun bat behar da: hainbat gauza lizentzia
barik eta baimen barik egiten dira Aramaion. Hori arautu egin behar da.
Azpiegituren mantentze lan integrala ere eginbeharko litzateke. Eta, Biomasaren
proiektua ere birplanteatu egin beharko litzateke.
2015(e)ko maiatzaren 5(a), asteartea
Udal gardena, laztasuna, euskararen garapena eta udalherriko zerbitzuekin berdintasuna proposamen bereziak dira
Rafael Bengoa EAJren
alkategaia izango da Aramaion. Udalentzat EAJren hautagaiek kudeaketa publikoko
esperientzia emango dute. Urtean zehar adierazi dute. Udal gardena, hurkoa,
kolaboratzailea eta eraginkorra proposatu dute. Lehenengo eta behin, aurrekoa
lortzeko, laztasuna gastuan nagusituko dira bere programan. Beste aldetik,
erabakiarekin euskararen garapenerantz ibiltzea eta culturaren kudeaketa
osoa egitea planteatu dute. Gainera auzo guztientzat zerbitzuez eta
azpiegiturez emateko beharrezko baliabideak kudeatuko dute. Udalherriko
eskainitakoekin berdintzea helburua izango da. Azkenik, aurkezpen serioa
egoitza egokia Aramaiori emateko egingo dute. Eta noski, EAJk, Aramaion ere,
egoera ekonomiko honetan, gizarte zerbitzu sistema mantentzeko eta enplegu
kalitatearekin lortzeko lan egingo du"
2015(e)ko maiatzaren 3(a), igandea
Rafael Bengoa: "Udala herritarrekiko hurbila eta laguntzailea izan behar dela uste dut"
Norekin izaten duzu nahiago
aisialdia igaro? Domekero joaten naiz mendira eta emaztearekin eta 8-10 pertsonako lagun
kuadrillarekin joaten naiz. Aurreko asteburuan Aloñako igoera ikusten izan
ginen, esaterako. Elkarrizketara
iPad-a eskuetan hartuta etorri zara. Teknologia berriak ere gogoko dituzu? Bai,
teknologiekin egunera egoten saiatzen naiz. Komunikabideak jarraitzen dituzu? Bai.
Irratia asko entzuten dut, batez ere autoan noanean. Telebista ere ikusten dut,
baina larregi izan barik; etxean 21:00ak arte normalean ez dugu telebista
pizten, ez daukagu ohiturarik. Eta egunkariei dagokienez, egunean bi, hiru edo
lau irakurtzea gustatzen zait. Esan behar dut egunkariak nahiago ditudala
paperean irakurri, Internet bitartez irakurtzea baino. Batxilergoa Frantzian ikasi zenuen. Trebea zara
hizkuntzekin? Euskaraz, gaztelaniaz eta frantsesez ondo
moldatzen naiz. Ingelesez ere nahiko ondo dakit eta aleman apur-apur bat
badakit. Komunikazioan lan egindakoa
zara, ezta?Bai, nahiz eta administrazio ikasketak egin, Fagor
Etxetresnaken komunikazioan lan egiten nuen. Bezeroekin eta prentsarekin
harremanetan egoten nintzen, nazioarteko komunikazioa ere eramaten nuen eta
webgunetan buru-belarri sartuta ibiltzen nintzen. Eta sare sozialetan, zer moduz? Facebook
eta Twitter erabiltzen ditut, bakoitzak bere gauzak ditu. Facebook
lagunarterako erabiltzen dut eta informazioa berehala jasotzeko, berriz,
Twitter. Eta asko erabiltzen duzu
WhatsApp? Komunikatzeko egokiena horixe dela uste dut, eta bai,
asko erabiltzen dut. Hauteskundeetako
emaitzak eramango zaitu zure ardurak berrantolatzera? Espero
dut ezetz. Ziur nire bizia aldatuko duela, baina ez nuke nahi orain egiten
ditudan gauza batzuk galtzea. Historiako ikasketen erritmoa jaitsi egin beharko
nuke, baina horren bitartez egindako harremanak galtzea ez litzaidake
gustatuko. Goienagusiko kontuekin ere jarraituko dut, seguru.
Harpidetu honetara:
Mezuak (Atom)